Главная /

Как получить компенсационную выплату

Компенсацион джёремелерни насыл этип алмалы?

1. Фонднынъ, акъларны (талапларны) сатын алмакъ теклифи «Вестник Банка России», «Крымские известия», «Крымская правда», «Севастопольские известия», «Слава Севастополя» газеталарында ве Интернет агъындаки Фонднынъ сайтында дердж этиле.

2. Фонднынъ теклифи дердж этильген кунюнден итибарен бир ай девамында ятырымджы, аризаларны къабул этюв нокъталарына:

∙ акъларнынъ (талапларнынъ) сатын алувгъа разылыкъ аризасыны;

∙ шахсиетни тасдикълагъан весикъаларны;

∙ ятырымджынынъ (вефат эткен ятырымджынынъ) банккъа олгъан талапларыны тасдикълагъан весикъаларнынъ асыл нусхаларыны;

∙ берги тёлегеннинъ къайд этюв картасынынъ номерасыны (идентификацион номер);

∙ ятырымлар (талаплар) боюнджа акъларны тасдикълагъан эр анги весикъаларны такъдим эте биле.

Ятырымджы векилининъ аризанен мураджаат эткен вакътында нотариаль суретте догърулыгъы исбатлангъан ишанч кягъыты да такъдим этиле.

* Аризагъа нисбетен мусбет я да менфий къарар Фонд тарафындан, ариза кельген кунюнден итибарен 10 иш куню девамында къабул этиле. Бу акъта Сизни телефон я да электрон почта аркъалы хабердар этерлер.

3. Фонд тарафындан мусбет къарар алынгъан сонъ, Фонднынъ векялетленген банкына мураджаат этмели, ятырымджылар боюнджа акъларнынъ (талапларнынъ) сатув анълашмасыны ве банк ятырымы (эсабы) анълашмасыны имзаламалы.

4. Компенсацияны банк ятырымына (эсабына) алмалы.